رمضان يعدي والقدس بعيدة
كان نفسي أزورها مرة تانية
كان نفسي تملاها الفرحة
كان نفسي أشوفها في عز الظلمة
قمرة منورة في عز العتمة
رمضان يعدي والقدس بعيدة
كان نفسي أصلي بيها
ووحشني الطير إلي بعدي عليها
والمسجد الأقصى والمآذن وكل حاجة فيها
حرام عليكم تمنعونا نشوف جمالها
وتمنعونا نتمتع بحقنا بيها
العمر بيعدي و بستنى أعيش لحظة ليها
رمضان يعدي والقدس بعيدة
نفسي أبوس ترابك يا قدس
نفسي ندحر الغزاة فيكي زي ما دحرنا الروم والفرس
نفسي أعيش بيكي بكرة واليوم والأمس
نفسي أسمع بيكي صوت الحرية بالعلو والهمس
رمضان يعدي والقدس بعيدة
نفسي أشوفك زي كل الحكايات
نفسي أعيش فيكي صبايا والعمر إلي فات
نفسي أعيش بيكي لحد الممات
نفسي أشوف العصافير تغني وأنا جسمي رفات
رمضان يعدي والقدس بعيدة
نفسي أشيل دمعتك وما تبقيش حزينة
نفسي أستشهد بيكي وتبقي ليا الزينة
نفسي أشوف الأفراح بيكي يا حلوة ورزينة
المهم عندي تتحرري وما تبقيش حزينة
رمضان يعدي والقدس بعيدة
نفسي أعيش وأصلي وأتعبد بيكي
وأقولك روحي وعمري ملك ليكي
نفسي أشوف عدوك إلي بيتمادى مدحورفيكي
والفرحة والأمل تملى عنيكي
و كلنا ننتصر ونتجمع ونصلي بيكي
رمضان يعدي وإنتي بعيدة
نفسي مع أول نجمة أشوفها عندك أسافر
وأسيب روحي لعندك بشهر رمضان تهاجر
نفسي ربنا يخلصك من شر ظالم وحقد كافر
نفسي الدين يملاكي واكون للدين ناشر
رمضان يعدي والقدس بعيدة
وأنا هموت من حزني عليكي
نفسي أشوفك جنبي وأزيد إيماني بيكي
مهما حاولو ينسونا ليكي
مش حيقدرو يخلوكي بعيدة عن عينيا وأنا بعيدة عن عنيكي
حتعيشي يا قدس بقلبي حتى أرجع والقاكي
ربنا يجمعني بيكي
وأقدر أصونك يا أمي وأحميكي
ده إنتي دمي إلي بعروقي وروحي إنخلقت ليكي
بحبك يا فلسطين وبعشق ترابك
ربنا إيرجعك لينا ويرجع ليكي أولادك
وانا من حيرتي دلوقتي بتكلم
والكلام لغيري ممكن يعلم
فلسطين إنظلمت والقدس بتتألم
ورمضان بيعدي والقدس بعيدة
**********************من قلمي ليكم:hamasat