بسم الله الرحمن الرحيم
السنة الدراسية هلت وأخونا طالب التوجيهي كسر ظهر ابو وامه بدورات الانجليزي والرياضيات والفيزياء والكيمياء على طول العطلة الصيفية
وين رايح على الدورة ومن وين جاي على الدورة واللبس على اخر موديل والجل والعطر بتشم ريحته من بعيد.......... وطبعا مش اي اساتذه بعطو هيك دورات اساتذه مخضرمين ومعهم خبرة كبيرة بالتوجيهي وامتحانات التوجيهي والاسئلة المتوقعة للسنة الجاي يعني متكفلين بالموضوع على الاخر وبلشت السنة الدراسية وبلشت الطلبات على راس ابو وامه ملابس وكتب ودورات تقوية والمصروف لازم طبعا يزيد علشان هلاء زلمتنا صار بالتوجيهي وما حدا قده وامه يا عيني مش مقصرة معا لا باكل ولا بشرب ولا بتسالي والقهوة والشاي طول اليوم مشغلة حالها فيه ومش بس هيك وقفت جميع الزيارت العائلية والتجمعات النسائية علشان ما تزعج ابنها وتوفرله الجو المناسب علشان يدرس ويجيب معدل عالي ويرفع راسها وراس ابوه . والمسكين ابوه حرم حاله من شغلات كتيرة كان يحبها وبطل يحضر حتى الاخبار ولا الافلام الي بيحبها علشان ما يشغل التلفزيون واذا الصغار اصدروا اي صوت او لعبو بصوت عالي يا ويلهم ولك انت وياه اخوكو توجيهي هسسسسس
وأخينا مسكر على حاله غرفته عم يدرس وطبعا الغرفة فيها كل شي موفر كمبيوتر اخر موديل وطبعا انترنت Adsl 4m وموبايل اخر صرعة علشان يعمل ابحاث ويقوي معلوماته وطبعا اخينا كان طول الوقت على الماسنجر وكل ما دخلت امه الغرفة تقله ليش ياماما ما بتدرس سيبك من النت ومن الدردشه وانتبه لحالك وكان يحكيلها انه بيحكي مع صاحبه علشان يساله عن شي مش فاهمه بالرياضيات وهي مسكينة تصدق وتدعيله انه الله ينجحه ويرفع راسها.
وكل شوي اخينا بطلع يغير جو مره على البلكون ومره على التلفزيون ومسكينه امه يما روح ادرس بلاش تضيع الوقت وطول السنه على هالموال كل شوي يما روح ادرس يعني مسكينة حفي لسانها وهي تقله يما روح ادرس واخينا ما غير شي من عادته ولما يرجع ابو من الشغل يتفقد الوضع ويطمن على ابنه كيف ماشيه الدراسه معه
وقربت الامتحانات والاب والام اعلنو حالة الطوارئ القصوى في البيت والاب اخذ اجازه من شغله علشان يهيئ الجو لابنه علشان يدرس بهدوء واذا حدا من الجيران شغل مسجل ولا راديو رولا بياع خضره اجا يبيع في الحارة يقيم الدنيا ويعمل طوشه يا عمي الولد توجيه مشان الله بدنا هدوء.
ومش عارف انه ابنو قاعد على الكمبيوتر طول اليوم لا فتح كتاب ولا دفتر
واخيرا طلعت النتائج وانصدم الاب والام بالنتيجة الي الولد مش مزبط بالتوجيه وطبعا اجو الاقارب والجيران يسالوا عن النتيجة والام المسكينة بتكابر وبتقول انا ابني كان طول الوقت عم يدرس والله هلك حاله بالدراسه اطلعوا كيف خس النص اطلعوا كيف وجهه اصفر بس عاد السنة الاساله اجت من خارج المنهاج والحق على الوزارة واخينا طبعا بأيدها...معلش يا ماما هذا التوجيه حظ وان شاء الله بتعيد السنه وبتنجح روح يما الله يرضى عليك وينجحك ويعلي مراتبك.
م ن ق و ل .
السنة الدراسية هلت وأخونا طالب التوجيهي كسر ظهر ابو وامه بدورات الانجليزي والرياضيات والفيزياء والكيمياء على طول العطلة الصيفية
وين رايح على الدورة ومن وين جاي على الدورة واللبس على اخر موديل والجل والعطر بتشم ريحته من بعيد.......... وطبعا مش اي اساتذه بعطو هيك دورات اساتذه مخضرمين ومعهم خبرة كبيرة بالتوجيهي وامتحانات التوجيهي والاسئلة المتوقعة للسنة الجاي يعني متكفلين بالموضوع على الاخر وبلشت السنة الدراسية وبلشت الطلبات على راس ابو وامه ملابس وكتب ودورات تقوية والمصروف لازم طبعا يزيد علشان هلاء زلمتنا صار بالتوجيهي وما حدا قده وامه يا عيني مش مقصرة معا لا باكل ولا بشرب ولا بتسالي والقهوة والشاي طول اليوم مشغلة حالها فيه ومش بس هيك وقفت جميع الزيارت العائلية والتجمعات النسائية علشان ما تزعج ابنها وتوفرله الجو المناسب علشان يدرس ويجيب معدل عالي ويرفع راسها وراس ابوه . والمسكين ابوه حرم حاله من شغلات كتيرة كان يحبها وبطل يحضر حتى الاخبار ولا الافلام الي بيحبها علشان ما يشغل التلفزيون واذا الصغار اصدروا اي صوت او لعبو بصوت عالي يا ويلهم ولك انت وياه اخوكو توجيهي هسسسسس
وأخينا مسكر على حاله غرفته عم يدرس وطبعا الغرفة فيها كل شي موفر كمبيوتر اخر موديل وطبعا انترنت Adsl 4m وموبايل اخر صرعة علشان يعمل ابحاث ويقوي معلوماته وطبعا اخينا كان طول الوقت على الماسنجر وكل ما دخلت امه الغرفة تقله ليش ياماما ما بتدرس سيبك من النت ومن الدردشه وانتبه لحالك وكان يحكيلها انه بيحكي مع صاحبه علشان يساله عن شي مش فاهمه بالرياضيات وهي مسكينة تصدق وتدعيله انه الله ينجحه ويرفع راسها.
وكل شوي اخينا بطلع يغير جو مره على البلكون ومره على التلفزيون ومسكينه امه يما روح ادرس بلاش تضيع الوقت وطول السنه على هالموال كل شوي يما روح ادرس يعني مسكينة حفي لسانها وهي تقله يما روح ادرس واخينا ما غير شي من عادته ولما يرجع ابو من الشغل يتفقد الوضع ويطمن على ابنه كيف ماشيه الدراسه معه
وقربت الامتحانات والاب والام اعلنو حالة الطوارئ القصوى في البيت والاب اخذ اجازه من شغله علشان يهيئ الجو لابنه علشان يدرس بهدوء واذا حدا من الجيران شغل مسجل ولا راديو رولا بياع خضره اجا يبيع في الحارة يقيم الدنيا ويعمل طوشه يا عمي الولد توجيه مشان الله بدنا هدوء.
ومش عارف انه ابنو قاعد على الكمبيوتر طول اليوم لا فتح كتاب ولا دفتر
واخيرا طلعت النتائج وانصدم الاب والام بالنتيجة الي الولد مش مزبط بالتوجيه وطبعا اجو الاقارب والجيران يسالوا عن النتيجة والام المسكينة بتكابر وبتقول انا ابني كان طول الوقت عم يدرس والله هلك حاله بالدراسه اطلعوا كيف خس النص اطلعوا كيف وجهه اصفر بس عاد السنة الاساله اجت من خارج المنهاج والحق على الوزارة واخينا طبعا بأيدها...معلش يا ماما هذا التوجيه حظ وان شاء الله بتعيد السنه وبتنجح روح يما الله يرضى عليك وينجحك ويعلي مراتبك.
م ن ق و ل .